Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 20-րդ կետով, 88-րդ հոդվածի 1-ին և 2-րդ մասերով, «Աղբահանության և սանիտարական մաքրման մասին» Հայաստանի Հանրապետության օրենքի 5-րդ և 19-րդ հոդվածներով, «Նորմատիվ իրավական ակտերի մասին» Հայաստանի Հանրապետության օրենքի 33-րդ, 34-րդ հոդվածներով, և հաշվի առնելով Կապան համայնքի ղեկավարի առաջարկությունը, Կապան համայնքի ավագանին որոշում է. 1. «Կապան համայնքում աղբահանության վճար վճարողների հաշվառման, աղբահանության վճարների հաշվարկման և աղբահանության վճարների գանձման լիազորությունները փոխանցելու մասին» Հայաստանի Հանրապետության Սյունիքի մարզի Կապան համայնքի ավագանու 2014 թվականի ապրիլի 15-ի N 27-Ա որոշման 2-րդ կետում «մուտքագրել» բառից հետո կատարել հետևյալ փոփոխությունը․ «Կապան քաղաքի կոմունալ ծառայություն ՀՈԱԿ-ի հաշվեհամարին» բառակապակցությունը փոխարինել «Հայաստանի Հանրապետության Սյունիքի մարզի Կապան համայնքի բյուջե» բառակապակցությամբ։
2. Սույն որոշումից բխող գործառույթներն իրականացնել օրենսդրությամբ սահմանված կարգով։
|