2021 թվականի դեկտեմբերի 1-ին, ժամը 11։00-ին, Կապանի համայնքապետարանի նիստերի դահլիճում՝ Ա․ Մանուկյան 5ա հասցեում, կիրականացվի Սոցիալական ներդրումների և տեղական զարգացման ծրագրի Բաղադրիչ 2-ին մասնակցության հետ կապված համայնքային առաջին ընդհանուր ժողով: Ժողովին մասնակցության մուտքն ազատ է: Ծրագրի հետ կապված հարցերը կարող եք ուղարկել kapanmayor@gmail.com էլեկտրոնային փոստին կամ զանգահարել +37494314151 հեռախոսահամարին։

Ծրագրով նախատեսվում է համայնքային ենթակայության նախադպրոցական և արտադպրոցական ուսումնական հաստատություններում տեղադրել ինքնավար արևային էլեկտրակայաններ։
Ընդհանուր տեղադրվելու է 114 կՎտ հզորությամբ ինքնավար արևային էլեկտրակայան։ Ծրագրի սպասվող արդյունք է այն որ, համայնքում էներգախնայողության համակարգի ձևավորումը համայնքային բյուջեի համար կստեղծի մոտ 4,051,400 ՀՀ դրամի խնայողություն։
ԱՐԷԿ-ների տեղադրումը կփոխհատուցի՝
1. Կապանի թիվ 1 ՆՈւՀ-ի,
2. Կապանի թիվ 13 ՆՈւՀ-ի,
3. Կապանի թիվ 6 ՆՈւՀ-ի,
4. Կապանի թիվ 7 ՆՈւՀ-ի,
5. Կապանի թիվ 8 ՆՈւՀ-ի,
6. Կապանի թիվ 9 ՆՈւՀ-ի,
7. Կապանի մարմնամարզության մանկապատանեկան մարզադպրոց ՀՈԱԿ-ի,
8. Կապանի աթլետիկայի մանկապատանեկան մարզադպրոց ՀՈԱԿ-ի և Կապանի Դ․ Համբարձումյանի անվան մանկապատանեկան մարզադպրոց ՀՈԱԿ-ի,
9. Կապանի թիվ 3 երաժշտական դպրոցի հոսանքների ծախսերը։
Ծրագրի ընդհանուր արժեքը կազմում է 35.568.000 (երեսունհինգ միլիոն հինգ հարյուր վաթսունութ հազար) ՀՀ դրամ, որից համայնքային ներդրումը կազմում է 5 տոկոս՝ 1.778.400 (մեկ միլիոն յոթ հարյուր յոթանասունութ հազար չորս հարյուր) ՀՀ դրամ: