Նախքան <<Կապանի կոմունալ ծառայություն>> ՀՈԱԿ-ի կողմից անցած տարվա աշխատանքների ներկայացումը, Կապանի համայնքապետարանի ներքին աուդիտի բաժնի պետ Ալվինա Ավանեսյանը ներկայացրեց 2017 թվականի ընթացքում կոմունալ ծառայությունում իրականացված աուդիտի արդյունքները, արձանագրված թերացումներն ու դրանց շտկման ընթացքը:
2017 թվականին կատարված աշխատանքների մասին զեկուցեց <<Կապանի կոմունալ ծառայություն>> ՀՈԱԿ-ի տնօրեն Գարիկ Յավրումյանը, իսկ առանձին ծառայությունների ղեկավարներն անդրադարձան կոնկրետ իրենց ոլորտներին՝ աղբահանություն, սանիտարական մաքրում և կանաչապատում, լուսավորություն և ճանապարհատրանսպորտային ոլորտ, վթարավերականգնողական աշխատանքներ:
Կապան համայնքի ղեկավար Աշոտ Հայրապետյանը գոհունակություն հայտնեց հատկապես անցած տարում աղբահանության վարձավճարների հավաքման պատկերի առնչությամբ, որը աննախադեպ է նախորդդ տարիների համեմատությամբ. գանձվել է 61 մլ 985 հազար դրամ /նախատեսվածի 99,42 %/, հաջողվել է նաև տարիներից մնացած 9 մլն դրամ դեբիտորական պարտք հավաքել:
Համայնքի ղեկավարը հանձնարարականներ տվեց աղբահանությնա գրաֆիկի, աղբատեղերի քարտեզագրման, նախկին բանավաններում կանոնավոր գրաֆիկով աղբահանություն իրականացնելու, չսահմանված վայրերում թափվող աղբի տերերի հայտնաբերման մասին: Լուծում տրվեց վթարավերականգնողական ծառայությանն անհրաժշետ գործիքներ տրամադրելու հարցին:
Համայնքի ղեկավարին ներկայացվեց նաև համայնքի խոշորացման հետևանքով ի հայտ եկած նոր բաժանորդների հետ պայմանագրերի կնքման գործընթացը: |