| Նպատակ | Կապանի համայնքապետարանն իր տնտեսական զարգացման պլանով ուրվագծում է համայնքի սոցիալ-տնտեսական և այլ ոլորտներում զարգացման ուղին, կարևոր ու լուրջ արդյունքների հասնելու տարբերակները, մատնանշում ակնկալվող պտուղները:
Կապանի տնտեսական զարգացման պլանն էականորեն տարբերվում է նախկինում համայնքի ունեցած ծրագրերից, քանի որ մշակվել է նոր կարգավիճակում՝ արդեն խոշորացված համայնքի համար, և նրանում ոչ միայն Կապան քաղաքի, այլեւ գյուղական բնակավայրերի զարգացման տեսլականն է: Իսկ գյուղերին վերաբերող խնդիրները տարբեր են, բազմազան, ինչպես նաեւ տարբեր են դրանց լուծման ճանապարհները, յուրաքանչյուր բնակավայրի զարգացմանն ուղղված միջոցառումները, մոտեցումները: Ուստի, ձգտել ենք այս փաստաթղթում ներառել նաեւ այդ բնակավայրերը ու արդյունքում զարգացում ունենալ Կապան խոշորացված նոր համայնքի ողջ տարածքում հավասարապես:
|