ՀՀ շրջակա միջավայրի նախարարության կողմից իրականացվող «Պահպանվող Տարածքների Աջակցման Ծրագիր-Հայաստան» ծրագիրը «Ֆինանսական Մասնակցային Մոտեցման» բաղադրիչի շրջանակներում հայտարարում է տնային տնտեսությունների միջև փոքր ծավալի բիզնես-ծրագրերի մրցույթ
Մրցույթն իրականացվելու է 16 թիրախային բնակավայրերում․ Մեղրիի խոշորացված համայնքից՝ Նռնաձոր, Շվանիձոր, Ալվանք, Կարճևան, Կուրիս և Գուդեմնիս, Քաջարանի խոշորացված համայնքից՝ Գեղի, Նոր Աստղաբերդ, Լեռնաձոր, Քաջարանց, Կապանի խոշորացված համայնքից՝ Ձորաստան և Գեղանուշ, Գորիսի խոշորացված համայնքից՝ Վերիշեն, Սիսիանի խոշորացված համայնքից՝ Նժդեհ, Շենաթաղ և Դաստակերտ ։
Մեկ փոքր ծավալի բիզնես-ծրագրի համար տրամադրվող գումարի չափը կազմում է 300.000 -700.000 ՀՀ դրամ։
Բիզնես-ծրագրերը կազմելուց անհրաժեշտ է առաջնորդվել հետևյալ սկզբունքներով.
• բիզնես-ծրագրի իրատեսականություն և շարունակականություն
• շրջակա միջավայրի և բնության վրա վնասի բացառում
• նոր աշխատատեղերի ստեղծում
• բիզնես-ծրագրի ռիսկերը և դրանց հաղթահարմանը ուղղված միջոցառումներ
• բիզնես-ծրագրից ակնկալվող արդյունքը և դրա ազդեցությունը Ձեր ընտանիքի/համայնքի/ վրա
Խնդրում ենք հաշվի առնել, որ յուրաքանչյուր տնային տնտեսությունը կարող է ներկայացնել միայն մեկ ծրագիր: Այս պահանջի խախտման դեպքում տվյալ տնային տնտեսությունից ներկայացված բոլոր ծրագրերը չեն դիտարկվելու և չեն ներառվելու մրցութային փուլ:
Ծրագրերի ընդունման վերջնաժամկետներ․
Քաջարանի և Կապանի խոշորացված համայնքներ՝ օգոստոսի 15
Գորիսի և Սիսիանի խոշորացված համայնքներ՝ սեպտեմբերի 5
Մեղրիի խոշորացված համայնք՝ սեպտեմբերի 25
Հարցերի դեպքում զանգահարել՝
«ԽՈՒՍՏՈՒՓ» Բնապահպանական ՀԿ
Հեռ․+374 77 13-18-01