✔️Կոմունալ ծառայության ոլորտ

☑️Քաղաքի տարբեր հատվածներում և հեռավոր թաղամասերում /բանավաններ/ մաքրվել են 40-ից ավել աղբավայրի վերածված տարածքներ, ինչպես նաև մաքրվել են 20-ից ավելի աղբով և պոլիէթիլենային տոպրակներով լցված անտառածածկ տարածքներ։
☑️Քաղաքի տարբեր հատվածներում տեղադրվել են 80-ից ավելի նոր, ժամանակակից, տարողունակ աղբամաններ, որի արդյունքում շահագործումից դուրս են եկել 130-ից ավելի հնամաշ աղբամաններ։
☑️Նորոգվել և ներկվել են մոտ 100 երկաթյա աղբամաններ, ձեռք են բերվել 84 նոր, ցինկապատ աղբամաններ, քաղաքի տարբեր հատվածերում կառուցվել և վերակառուցվել են 70-ից ավել աղբատեղիներ։
☑️Երկու ծանր տեխնիկայի օգնությամբ խոշոր մաքրման աշխատանքներ են իրականացվել քաղաքային աղբավայրում։
☑️Կապանի կոմունալ ծառայության ՀՈԱԿ-ին նվիրաբերվել է 3 ԶԻԼ ինքնաթափ մեքենա, 1 մարդատար մեքենա, 1 Կամազ մակնիշի հատուկ աղբատար մեքենա, 1 Մազ մակնիշի բազմաֆունկցիոնալ աղցան և ջրցան մեքենա, 1 JCB155 մակնիշի ամբարձիչ։ Այս ամենի արդյունքում, նախկինում վարձակալված 5 մեքենաները դուրս են եկել շահագործումից, ինչի շնորհիվ կոմունալ ծառայությունը ունեցել է ավելի քան 13 մլն դրամի տնտեսում։
☑️Նորոգվել են տարիներ շարունակ անսարքությունների պատճառով չշահագործվող 2 հատուկ աղբատար մեքենա։
☑️Ավտոպարկում կառուցվել և վերանորոգվել են հանգստի սենյակներ։ Ավտոպարկը վերազինվել է անհրաժեշտ գործիքներով, ստեղծվել են մեքենաների սպասարկման համար ավելի հարմար պայմաններ, անխափան աշխատանքի համար փոխվել է էլեկտրական սնուցման տրանսֆորմատորը։
☑️Այս տարի առաջին անգամ աղբահանություն է իրականացվում Վաչագան, Բեխ, Համլետավան, Վահանավանք, Աշոտավան, Բաղաբուրջ հեռավոր թաղամասերում և Արծվանիկ ու Աճանան գյուղական բնակավայրերում։
☑️Կոմունալ ծառայություն ՀՈԱԿ-ի կողմից 70-ից ավել իրավաբանական անձանց հետ կնքվել են նոր պայմանագրեր։
☑️Գրանցվել է աղբահանության վճարի հավաքագրման աճ՝ մոտ 30 %, ինչպես նաև գանձվել է ավելի քան 3,5 մլն դրամի ապառք։
☑️Կոմունալ ծառայությունում տնտեսումների արդյունքում մոտ 30 %-ով ավելացել է ծառայության աշխատակիցների աշխատավարձը։
☑️Քաղաքի տարածքում փոխվել է լուսավորության համակարգը՝ 950 լուսատուների փոխարեն տեղադրվել են 1600 LED էներգախնայող լուսատուներ, նոր լուսավորության համակարգ է տեղադրվել նաև Արփիկ, Աշոտավան, Բեխ, ☑️Բարաբաթում և Բաղաբուրջ հեռավոր թաղամասերում /բանավաններում/, Ներքին Վաչագան թաղամասում, Գ․ Նժդեհի 1-ին և Երկաթուղայինների 3-րդ և 4-րդ նրբանցքներում, Գեղանուշ և Գոմարան գյուղերում։
☑️Քաղաքի 27 էլեկտրական ենթակայաններում ամբողջությամբ փոխվել են հին էլեկտրական սարքավորումները և տեղադրվել նոր, թվային, ժամային ռելեներ, ինչպես նաև ավտոմատ միացման-անջատման սարքեր, երկսակագնային հաշվիչներ, որի շնորհիվ քաղաքի ամբողջ տարածքում փողոցային լուսավորության տևողությունը մինչև լուսաբաց է:
☑️Ամենօրյա աշխատանքների արդյունքում հայտնաբերվել և վերացվել են փողոցային լուսավորության համակարգից 70-ից ավել առանց թուլատվության հոսանքի միացման դեպքեր։
☑️Քաղաքի տարբեր հատվածներում տնկվել է մոտ 1000 ծառ։
☑️Կառուցվել, վերանորոգվել և էլեկտրականությամբ ապահովվել են բակային տաղավարներ։
☑️Տեղադրվել են 50-ից ավել ճանապարհային երթևեկության նշաններ, փոխվել է 5 կմ-ից ավել էլեկտրական հոսանքի մալուխներ, քաղաքի 12 առավել վտանգավոր փողոցներում տեղադրվել են արհեստական խոչընդոտներ՝ երթևեկությունը ավելի անվտանգ դարձնելու նպատակով։
☑️Վերացվել են քաղաքի բազմաբնակարան շենքերում բազմաթիվ տանիքների ճեղքեր, վերականգնվել են խողովակներ, կոյուղիներ, խոտանված էլեկտրալարեր։
☑️Քաղաքի ամբողջ տարածքում իրականացվել են ծառահատումներ և ծառաէտումներ, որից գոյացել է մոտ 170մ3 փայտանյութ և բաժանվել զոհված ազատամարտիկների, սոցիալապես անապահով և կարիքավոր ընտանիքներին։
☑️Իրականացվել է Ողջի և Վաչագան գետերի ինտենսիվ մաքրում՝ ծառերից, թփերից և ավելորդ աղբից։
☑️Կապան քաղաքում բացվել է նոր՝ պլաստիկից շինանյութերի ստացման արտադրամաս, ինչի արդյուքնում Կապանում և տարածաշրջանում առաջին անգամ պլաստիկ թափոններից և ավազից ստանում են տարբեր տեսակի շինանյութեր։ Ստեղծվել են նոր աշխատատեղեր։ Արտադրամասը ստեղծվել է «Բնապահպանական մարտահրավերների վերածումը հնարավորությունների. պլաստիկ թափոններից շինարարական նյութերի ստացում» ծրագրի շրջանակում։

✔️Քաղաքաշինության ոլորտ

☑️Ընթացքի մեջ են Կապան քաղաքի թվով 56 բազմաբնակարան բնակելի շենքերի տանիքների նորոգման աշխատանքները, որոնցից 23-ը իրականացվում է ՀՀ պետական բյուջեի պահուստային ֆոնդից Սյունիքի մարզի առաջնահերթ լուծում պահանջող հիմնախնդիրների համար հատկացված գումարներով, ինչպես նաև համայնքապետարանի համաֆինանսավորմամբ, իսկ 32-ը 2019թ․ սուբվենցիոն ծրագրի շրջանակում, ևս մեկ մեկ տանիք ամբողջությամբ նորոգվել է համայնքապետարանի միջոցներով։
☑️Բնապահպանական սուբվենիցայի և համայնքային բյուջեի միջոցներով ընթացքի մեջ է նաև Կապանի համայնքապետարանի մուտքից մինչև Արամ Մանուկյան փողոցի թիվ 3 բ/բ շենք ձգվող մայթի նորոգումը/18մլն 13 հազար դրամ/
☑️Իրականացվել են Կապան քաղաքի կենտրոնական փողոցների փոսային նորոգման աշխատանքներ/990 հազար 127 դրամ/
☑️Նորոգվել և բարեկարգվել է Կապան քաղաքով անցնող Մ-2 մայրուղուն կից թվով 10 կանգառ, ինչի արդյունքում ապահովվել է բնակիչների հարմարավետությունը և անվտանգությունը։
☑️Հիմնանորոգվել, կահավորվել և Կապանի մանկական կենտրոնին շահագործման է հանձնվել նոր շենք, շենքում տեղադրվել է նոր ջեռուցման համակարգ։
☑️Ընթացքի մեջ են Կապանի թիվ 2 երաժշտական դպրոցի և գեղարվեստի դպրոցի շենքի վերանորոգման աշխատանքները/մոտ 100մլն/
☑️Ավարտվել են «Կապանի թիվ 1 հիմնական դպրոց» ՊՈԱԿ-ի «Դ» մասնաշենքի վերակառուցում՝ նախադպրոցական ուսումնական հաստատության կազմակերպման, տարածքի բարեկարգման, խաղահրապարակի կառուցման աշխատանքները/24մլն 519 հազար դրամ, ևս 10մլն դրամի աշխատանքներ կիրականացվեն մինչև տարեվերջ/
☑️Ընթացքի մեջ են Դավիթ Բեկ թաղամասի մանկական խաղահրապարակի կառուցման աշխատանքները/3մլն 655հազար դրամ/
☑️Նորոգվել է «Գարեգին Նժդեհ» քիք-բոքսինգի ակումբի պատուհանները և ռինգը։
☑️Ավարտվել են Կապանի մարմնամարզության մանկապատանեկան մարզադպրոցի տանիքի վերանորոգման աշխատանքները/10մլն 657 հազար դրամ/
☑️Գարեգին Նժդեհ փողոցի 2-րդ նրբանցքում իրականացվել են հենապատի վերանորոգման աշխատանքներ/598 հազար 350 դրամ/
☑️Կապան քաղաքի Մ․Ստեփանյան և Շահումյան փողոցների վերանորոգման աշխատանքների համար պատրաստվել է նախագծանախահաշվային փաստաթղթեր/38մլն 430հազար դրամ/, իսկ մինչև տարեվերջ նախատեսվում է իրականացնել Շահումյան փողոցի Աջափնյակ հատվածի գետափնյա մայթի վերանորոգման աշխատանքները/12մլն 268 հազար դրամ/
☑️Ընթացքի մեջ են Կապանի մշակույթի կենտրոնի շենքի վերակառուցման աշխատանքները։ (ֆինանսավորող՝ ԶՊՄԿ)
☑️Իրականացվել են դեպի Աղվանի գյուղ տանող 20 կմ ճանապարհահատվածի հարթեցման, լայնացման և բարեկարգման աշխատանքներ, ինչի արդյունքում ապահովվել է ճանապարհների անցանելիությունը և անվտանգ երթևեկությունը, ինչպես նաև ավելացել է շարժը դեպի գյուղեր։
☑️Իրականացվել են Արծվանիկ բնակավայրում թանգարանի տանիքի նորոգման աշխատանքներ։
☑️Իրականացվել են Կապան համայնքի Եղվարդ գյուղի մշակույթի տան տանիքի նորոգման, հիմքի ամրապնդման և ջրահեռացման աշխատանքներ։
☑️Իրականացվել է Եղվարդ գյուղի ակնաղբյուրի նորոգման աշխատանքներ։
☑️Իրականացվել են Ագարակ գյուղի եկեղեցու տանիքի նորոգման աշխատանքներ։
☑️Իրականացվել են Սյունիք գյուղի նոր գերեզմանատան ստեղծման և ցանկապատման աշխատանքներ /500 մետր ցանկապատ/։
☑️Իրականացվել են Կապան համայնքի Աճանան գյուղի դպրոցի մեկ դասասենյակի նորոգման աշխատանքներ։
☑️Իրականացվել են Սևաքար գյուղի ոռոգման ջրի համակարգի նորոգման աշխատանքներ։
☑️Իրականացվել են դեպի Եղեգ և Սևաքար գյուղեր տանող այլընտրանքային ճանապարհի բարեկարգման աշխատանքներ։
☑️Վերին Խոտանան գյուղում նորոգվել են խմելու ջրի համակարգը և բաժանարարները։
☑️Նորաշենիկ բնակավայրում նորոգվել է խմելու ջրի 100 մետր խողովակաշար։
☑️Նորոգվել է Անտառաշատից Դովրուս և Ներքին Խոտանանից Վերին Խոտանան գյուղական բնակավայրեր տանող ճանապարհը։
☑️Ընթացքի մեջ են գտնվում Ներքին Խոտանանում կենցաղի տան խոհանոցի/2մլն 174 հազար դրամ/, Շիկահող գյուղի վարչական շենքի տանիքի/3մլն 328 հազար դրամ/ և Անտառաշատ գյուղի կենցաղի տան տանիքի վերանորոգման ու հենապատի ուժեղացման աշխատանքները /8մլն 313 հազար դրամ/
☑️Ասֆալտապատվել է Ճակատեն գյուղի գերեզմանոց տանող ճանապարհը։
☑️Ներքին Հանդ գյուղում հիմնվել է խաղահրապարակ։
☑️Դավիթ Բեկ գյուղական բնակավայրի մանկապարտեզի/15մլն/, Մ․Հարությունյան փողոցի/30մլն 84 հազար դրամ/, Ռ․Մինասյան փողոցի և Կավարտ թաղամաս/16մլն 47 հազար դրամ/ տանող ճանապարհի հետագա նորոգման աշխատանքների համար պատրաստ են նախագծանախահաշվային փաստաթղթերը։
☑️Նորաշենիկ/17մլն 573 հազար դրամ/ և Սյունիք/14մլն 491հազար դրամ/ գյուղական բնակավայրերում մարզադաշտի կառուցման համար պատրաստվել են նախագծանախահաշվային փաստաթղթեր։
☑️Կապան համայնքի ավագանու նախաձեռնությամբ բարեկարգվել, կանաչապատվել և նոր նստարաններ են տեղադրվել Սուրբ Մեսրոպ Մաշտոց եկեղեցու տարածքում։

✔️Գյուղական բնակավայրեր

☑️2019 թվականի մարտի 5-ից սկսած համայնքի բնակավայրերում անասնաբուժական ծառայությունների մատուցման համար, անասնաբուժական գործունեություն իրականացնող 7 անասնաբուժների վարձատրման խնդիրը լուծելու նպատակով նրանց հետ կնքվել են պայմանագրեր, միաժամանակ լուծվել է նաև նրանց տրանսպորտային ծախսերը։
☑️Դավիթ Բեկ բնակավայրում համայնքի միջոցներով վերաթողարկվել է նախկինում գործող ձկնաբուծական տնտեսությունը։
☑️Համագործակցելով «Ագրոքիմիական ծառայություն» ՀՈԱԿ-ի հետ՝ իրականացվել են մշակելի հողատարածքների ագրոքիմիական դաշտային և լաբորատոր հետազոտությունների համար քարտեզների ստեղծման աշխատանքներ։
☑️Եղեգ գյուղին տրամադրվել է 200 մետր ջրահեռացման խողովակ։
☑️Դավիթ Բեկ գյուղում փոխարինվել է ջրի հին բաժանարարներից մեկը։
☑️Տանձավեր գյուղում տեղադրվել են LED փողոցային լուսավորության լուսատուներ, նորոգվել է գյուղի կանգառը։
☑️Ներքին Խոտանան գյուղում տեղադրվել է խմելու ջրի նոր բաժանարար։
☑️Առաջաձոր գյուղում տեղադրվել է խմելու ջրի նոր բաժանարար, իրականացվել է ճանապարհի մի հատվածի նորոգում, գերեզմանոցին կից հիմնվել է աղբատեղի։
☑️Նորաշենիկ, Աճանան և Անտառաշատ գյուղերում գյուղացիներին սեփականության իրավունքով պատկանող տրակտորների համար տրամադրվել է ավտոպահեստամասեր և անվադողեր՝ գյուղատնտեսական աշխատանքները կազմակերպելու նպատակով։
☑️Սզնակ գյուղին տրամադրվել է մոտ 200 մետր ոռոգման ջրի խողովակ։
☑️«ԵՄ-ն զբոսաշրջության համար․ Արկածային տուրիզմի զարգացում պատմական Սյունիքում» ծրագրի շրջանակներում բացվել է Գորիս և Կապան քաղաքները իրար միացնող նոր քայլարշավային արահետ/300կմ/։

✔️Համայնքային ենթակայության հիմնարկների նորոգում և վերազինում

☑️Վերջին մեկ տարվա ընթացքում Կապանի մշակույթի կենտրոնը վերազինվել է նոր՝ ձայնային, լուսային և այլ տեխնիկայով։ Կենտրոնում աշխատակիցների կատարած աշխատանքը գնահատելու և խրախուսելու համար ստեղծվել է պարգևատրման ֆոնդ, հաստիքային միավորների թիվը ավելացել է 20,5-ով, ինչը հնարավորություն է տալիս ավելի արդյունավետ իրականացնել միջոցառումների կազմակերպումը և նպաստել մշակութային կյանքի զարգացմանը։
☑️2019 թվականի ապրիլ-մայիս ամիսներին հիմանորոգվել են Կապանի Վազգեն Սարգսյանի անվան մանկական զբոսայգում շահագործվող խորհրդային ժամանակաշրջանի ատրակցիոնները։ Զբոսայգու տարածքում տեղադրվել են մոտ 30 LED լուսարձակներ, ձեռք են բերվել նոր և հարմարավետ նստարաններ, մեքենաների մուտքը զբոսայգու տարածք արգելող էլեկտրական արգելափակոց։ ☑️Հիմնանորոգվել և վերագործարկվել է զբոսայգու տարածքում գտնվող քաղաքային զուգարանը։ Փոխարինվել են զբոսայգու աշխատասենյակի պատուհանները, տրամադրվել է նոր կահույք, կոսմետիկ նորոգվել է զբոսայգու ամառային դահլիճը։
☑️Համայնքի նախադպրոցական ուսումնական հաստատությունների համար ձեռք է բերվել գույք և իրականացվել են նորոգման աշխատանքներ, մասնավորապես թիվ 1 ՆՈՒՀ ՀՈԱԿ-ում ձեռք է բերվել խոհանոցային և մարզական գույք, սպիտակեղեն, թիվ 2 ՆՈՒՀ ՀՈԱԿ՝ խոհանոցային գույք, սպիտակեղեն և հեծանիվ, թիվ 4 ՆՈՒՀ՝ խոհանոցային և մարզական գույք, ինչպես նաև նորոգվել է բաց պատշգամբի հատակը, թիվ 5 ՆՈՒՀ՝ խոհանոցային և մարզական գույք, մանկական աթոռներ և խաղալիքներ, թիվ 6 ՆՈՒՀ՝ մարզական և խոհանոցային գույք, սպիտակեղեն, թիվ 7 ՆՈՒՀ՝ մարզական և խոհանոցային գույք, թիվ 8 ՆՈՒՀ՝ կահույք, մարզական և խոհանոցային գույք, նորոգվել է 1 խմբասենյակի ճաշասենյակը/ավագանիների նախաձեռնությամբ/, թիվ 9 ՆՈՒՀ՝ խոհանոցային և մարզական գույք, սպիտակեղեն, փոշեկուլ, գրատախտակներ, թիվ 10 ՆՈՒՀ՝ մարզական և խոհանոցային գույք, մահճակալներ, աթոռներ, սպիտակեղեն, փոխարինվել է 2-րդ հարկի ջեռուցման համակարգը, ինչի արդյունքում ապահովվել է նաև սանհանգույցների ջեռուցումը և տաք ջրի առկայությունը, փոխարինվել են նաև առաջին հարկի միջանցքի սալիկները, թիվ 11 ՆՈՒՀ՝ խոհանոցային կահույք և կաթսաներ, մարզական գույք, թիվ 12 ՆՈՒՀ՝ մարզական գույք, խաղալիքներ, սպիտակեղեն, հիմնանորոգվել և կահավորվել է խոհանոցային բլոկը, կատարվել է 2 խմբասենյակների սանհանգույցների և միջանցքների սալիկապատում և կոսմետիկ նորոգում, իրականացվել է շենքի նկուղային հարկի հիմնովին մաքրում, սպասարկող անձնակազմը ապահովվել է արտահագուստով, թիվ 13 ՆՈՒՀ՝ մանկական աթոռներ, խոհանոցային գույք, սպիտակեղեն, նորոգվել է տանիքը, Սյունիք գյուղի ՆՈՒՀ՝ խաղալիքներ, Դավիթ Բեկ գյուղի ՆՈՒՀ՝ տաքացուցիչ։
☑️Կապանի ակումբագրադարանային միավորում ՀՈԱԿ-ի Բաղաբուրջի ակումբ-գրադարանում տեղադրվել են նոր եվրոպատուհաններ, ձեռք են բերվել մոտ 257 կտոր գիրք, համակարգչային և այլ տեխնիկա։
☑️Կապանի մանկապատանեկան ստեղծագործության կենտրոն ՀՈԱԿ-ի պարասրահում տեղադրվել են հայելիներ, կից հանդերձարան, նորոգվել են շախմատի սենյակները և տեղադրվել է ջեռուցման համակարգ։
☑️Թիվ 3 երաժշտական դպրոց ՀՈԱԿ-ին տրամադրվել է գրքապահարաններ, էլեկտրական տաքացուցիչներ և ամբողջությամբ լամինապատվել է դասասենյակի հատակը։
☑️Ապահովվել է թիվ 1 երաժշտական դպրոցի կաթսայատան շահագործումը։
☑️Համայնքապետարանի համար ձեռք է բերվել 2 MITSUBISHI MONTERO SPORT մակնիշի ավտոմեքենա։
☑️Կապանի բժշկական կենտրոնի մանկական բաժանմունքին նվիրատվության կարգով տրամադրվել է նոր, ժամանակակից մարզասարք/վազքուղի/, որի շնորհիվ երեխաների վերականգնողական բուժման գործընթացը դարձել է ավելի արդյունավետ։
☑️Կապանի Դավիթ Համբարձումյանի անվան մանկապատանեկան մարզադպրոց ՀՈԱԿ-ում բացվել են 2 նոր խմբեր՝ ծանրամարտի և թենիսի, ձեռք են բերվել սեղանի թենիսի դաշտ, LED լուսարձակներ և փողոցային լուսատուներ, ջրատաքացուցիչ։
☑️Կապանի աթլետիկայի մասնագիտացված մարզադպրոց ՀՈԱԿ-ին նվիրաբերվել է «Mondro» ֆիրմայի աթլետիկական վազքուղյակի ռետինե ծածկույթ։
☑️Կապանի մարմնամարզության մանկապատանեկան մարզադպրոց ՀՈԱԿ-ի համար ձեռք են բերվել պահարաններ, ակրոբատիկական գերժամանակակից ցատկահարթակ, բատուտի ցանց, կահավորվել են սենյակները, տեղադրվել է դրսի լուսավորություն և հիմնանորոգվել է մուտքի տանիքը։
☑️Կապանի արվեստի մանկական դպրոց ՀՈԱԿ-ի պարարվեստի բաժնում տեղադրվել են հայելիներ, ձեռք է բերվել BENQ MS 506 սերիայի տեսադարան, ավելացել է 1 մանկավարժի հաստիք՝ բացվել է փողային բաժնի խումբ։
☑️Կապանի հաշվապահական ծառայությունների կենտրոն ՀՈԱԿ-ում տեղադրվել է «ՀԾ-Հաշվապահ 7» համակարգ 9 աշխատակցի համար, հիմնանորոգվել է 1 աշխատասենյակ, ձեռք են բերվել գրասեղաններ, աթոռներ, գրապահարաններ, կախիչ, ինչպես նաև 8 համակարգիչ և 1 բազմաֆունկցիոնալ սարք։
☑️Ծավ գյուղի բնակչուհի Կարինե Աղաջանյանին նվիրատվության կարգով տրամադրվել է Brother innov-is 950 մոդելի կարի մեքենա՝ իր փոքրիկ բիզնեսը զարգացնելու և ընդլայնելու համար։
☑️Համայնքապետարանը «Աբակ» մենթալ թվաբանության կենտրոնի համար ձեռք է բերել անհրաժեշտ գույք՝ կինետիկ ավազի սեղան և պրոյեկտոր։

✔️Կրթության, մշակույթի և սպորտի ոլորտներ

Կրթության, մշակույթի և սպորտի ոլորտներում իրականացվել են 60 միջոցառումներ։

☑️«Սյունիքյան մշակութային շրջագայություն» խորագրով միջոցառումների շրջանակում՝ Կապան համայնքն իր մշակութային ծրագրով հանդես եկավ Մեղրի համայնքում։
☑️Հաշմանդամների միջազգային օրը կազմակերպվել են այցելություններ՝ 1-ին և 2-րդ կարգի հաշմանդամություն ունեցող ազատամարտիկների ընտանիքներին։
☑️Կապանի մշակույթի կենտրոնի փոքր դահլիճում կազմակերպվել է միջոցառում, որին մասնակցել են Կապանի և Քաջարանի երաժշտական դպրոցների երգչախմբերը։
☑️Երկրաշարժի 30-րդ տարելիցի կապակցությամբ Կապանում կազմակերպվել են ոգեկոչման և խոնարհումի միջոցառումներ։
☑️«Սկայ» ակումբի մասնակցությամբ կազմակերպվել է համերգ-դրամահավաք Կապանի համայնքապետարանի հարակից այգում։
☑️Կապանի մշակույթի կենտրոնի հարակից տարածքում կազմակերպվել է գլխավոր տոնածառի լույսերի վառման հանդիսավոր արարողությունը։
☑️Կազմակերպվել է տոնական համերգ Կապանի N զորամասում։
☑️Ամանորյա ծրագրի շրջանակներում կազմակերպվել է այց՝ Արծվանիկի ծերանոց։
☑️Կապանի մշակույթի կենտրոնի փոքր դահլիճում, հատուկ կարիքներ ունեցող երեխաների համար կազմակերպվել է ամանորյա համերգ։
☑️Կապանի Մշակույթի կենտրոնի մեծ դահլիճում տեղի է ունեցել Կովսականի <<Թաթուլ>> ազգագրական պարի համույթի ելույթը։
☑️Կապանի մշակույթի կենտրոնի մեծ դահլիճում կազմակերպվել է համերգ՝ նվիրված Հայոց բանակի 27-րդ տարեդարձին։
☑️Կապանի Սուրբ Մեսրոպ Մաշտոց եկեղեցում և Վահանավանքի վանական համալիրում կազմակերպվել է «Տյարն ընդ առաջ» եկեղեցական տոնին նվիրված միջոցառում։
☑️Կապանի էլեկտրոնային գրադարանում, թիվ 2, 3 երաժշտական դպրոցներում և արվեստի մանկական դպրոցում կազմակերպվել է միջոցառում՝ նվիրված Հովհաննես Թումանյանի ծննդյան 150-ամյակին։
☑️Կապանի մշակույթի կենտրոնի մեծ դահլիճում կազմակերպվել է տոնական համերգ՝ նվիրված կանանց միջազգային օրվան։
☑️Կազմակերպվել և անց է կացվել ՀՀ ազգային ժողովի գավաթի խաղարկության համայնքային փուլը։
☑️Աջակցվել է «Ադրենալին էքստրեմալ սպորտաձևերի ֆեդերացիա» ՀԿ-ին՝ Կապանում կազմակերպած «Թրոֆի Սփրինթ» միջազգային ավտոմրցարշավին։
☑️Հանրակրթական դպրոցների 1-3-րդ և 4-7-րդ դասարանների միջև կազմակերպվել է սպորտլանդիա։
☑️Կապանի թիվ 3 երաժշտական դպրոցում կազմակերպվել է համերգ՝ նվիրված մայրության և գեղեցկության տոնին։
☑️Կազմակերպվել և անց է կացվել ՀՀ հանրակրթական դպրոցների սովորողների հանրապետական չորրորդ ուսումնամարզական խաղերի համայնքային փուլը։
☑️Կապանում կազմակերպվել են միջոցառումներ՝ նվիրված Հիսուս Քրիստոսի Հրաշափառ Հարության/Սուրբ Զատկի տոնին/
☑️Կազմակերպվել են Հայոց Ցեղասպանության տարելիցին նվիրված միջոցառումներ։
☑️Կապանում մեծ շուքով նշվեց ՀՀ քաղաքացու օրվան նվիրված օրը․ցուցահանդեսներ, տոնավաճառ, կինոդիտումներ, գրքի շնորհանդես, տոնական համերգներ, սպորտային միջոցառումներ։
☑️Կապանի մշակույթի կենտրոնի մեծ դահլիճում նշվեց «Պարի միջազգային օրը»։
☑️Կազմակերպվել և անց է կացվել «Լավագույն մարզական նախադպրոցական հաստատություն» մրցույթի համայնքային փուլը։
☑️Կազմակերպվել և անց է կացվել Անկախության 28-րդ տարեդարձին նվիրված դպրոցականների հանրապետական 28-րդ մարզական խաղերի համայնքային փուլը։
☑️Կապանի Վազգեն Սարգսյանի անվան զբոսայգում կազմակերպվել է համերգ՝ նվիրված Աշխատավորների միջազգային օրվան։
☑️Կապանի թիվ 2 երաժշտական դպրոցում կազմակերպվել է «Ուրախ նոտաներ» խորագրով միջոցառում։
☑️«Մշակութային նախաձեռնություններ» հասարակական կազմակերպությունը, երաժշտական և արվեստի դպրոցների սաների հետ միասին կազմակերպել է միջոցառումներ Կապան համայնքի Սևաքար, Սյունիք, Աճանան, Վերին Խոտանան, Անտառաշատ գյուղական բնակավայրերում։
☑️Կապանի մշակույթի կենտրոնի մեծ համերգային դահլիճում և մանկապատանեկան ստեղծագործության կենտրոնում կազմակերպվել է միջոցառում՝ նվիրված Խաղաղության և հաղթանակի տոնին։
☑️Կապանում կազմակերպվել է Եվրոպայի օրվան նվիրված տոնակատարություններ, ինչպես նաև անց է կացվել համաքաղաքային մարզական միջոցառումներ։
☑️Տարեվերջյան հաշվետու համերգներով հանդես են եկել Կապանի թիվ 1,2,3 երաժշտական, արվեստի մանկական դպրոցները, «Պարի աստղեր» շոու ստուդիան, «Նարին» պարային համույթը և «Սիլուետ» պարային խումբը։
☑️Կազմակերպվել և անց է կացվել «Դիպուկ հրաձիգ» հանրապետական մրցույթի համայնքային փուլը։
☑️«Թանգարանային գիշեր-2019» միջոցառման շրջանակում Շմավոն Մովսիսյանի անվան պատմության թանգարանը հանրությանը ներկայացավ «Աֆղանստանի պատերազմի կապանցի վետերանները» ցուցադրությամբ։
☑️Կապանում նշվեց Առաջին Հանրապետության օրը։
☑️Կապանի համայնքապետարանի հարակից այգում կազմակերպվեցին միջոցառումներ՝ նվիրված Երեխաների պաշտպանության միջազգային օրվան։
☑️Կազմակերպվել և անց է կացվել Կապան քաղաքի ծանրամարտի պատանեկան բաց առաջնությունը։
☑️Մշակութային կրթության ոլորտում փոխգործակցության, համատեղ ստեղծագործական աշխատանքի, գործնական հմտությունների ձեռքբրման, փորձի փոխանակման նպատակով Երևանի Սայաթ-Նովայի անվան երաժշտական դպրոցի սաները համերգային ծրագրով ելույթ ունեցան Կապանի Արվեստի քոլեջի Վ․Ստամբոլցյանի անվան երգեհոնային դահլիճում։
☑️Վահանավանքի վանական համալիրում նշվեց Հայ Առաքելական Սուրբ եկեղեցու Ս.Գրիգոր Լուսավորչի ելքը Վիրապից տոնը։
☑️Կազմակերպվել և անց է կացվել ՀՀ վաստակավոր մարզիչներ՝ Մալոյան եղբայրների անվան աթլետիկայի հանրապետական հուշամրցումը։
☑️Կապանում նշվեց Անհայտ կորածների օրը։
☑️Կապանի էլեկտրոնային գրադարանում կազմակերպվել է միջոցառում՝ նվիրված Սահմանադրության օրվան։
☑️Կազմակերպվել և անց է կացվել տարեցների հանրապետական խաղերի համայնքային փուլը։
☑️Կապան համայնքը մասնակցել է Համահայկական ամառային 7-րդ խաղերին։
☑️Գարեգին Նժդեհի անվան հրապարակում տեղի է ունեցել «Ուսանողական ամառ 2019» ամենամյա փառատոնի հանդիսավոր բացման արարողությունը։
☑️Կապան համայնքի ղեկավարին կից երիտասարդական խորհրդի կողմից կազմակերպվել և անց են կացվել մինի ֆուտբոլի, վոլեյբոլի և բասկետբոլի մրցաշարեր։
☑️Կապանի Վազգեն Սարգսյանի անվան զբոսայգում և Գարեգին Նժդեհի հրապարակում առաջին անգամ կազմակերպվել է «8848» խորագիրը կրող երիտասարդական փառատոնը՝ նվիրված երիտասարդության միջազգային օրվան։
☑️Սյունիքի մարզկենտրոն Կապանում մեծ շուքով նշվել է Կապանի օրվան նվիրված միջոցառումները. Համաքաղաքային քայլերթ, օրհնության կարգ՝ Սուրբ Մեսրոպ Մաշտոց եկեղեցում, պարային ֆլեշ-մոբ, կոլորիտային ցուցահանդես, համերգներ։
☑️Գարեգին Նժդեհի անվան հրապարակում տեղի է ունեցել «Էսքիզ» խմբի համերգը՝ նվիրված Աստվածամոր վերափոխման տոնին։
☑️Համայնքը մասնակցել է ՀՀ գյուղական մարզական խաղերի մարզային փուլին։
☑️Կապանի մշակույթի կենտրոնի մեծ դահլիճում տեղի է ունեցել «Ուսանողական ամառ-2019» երիտասարդական փառատոնի փակման արարողությունը։
☑️Կապան համայնքում նշվել է ՀՀ անկախության 28-րդ տարեդարձը, ինչպես նաև տեղի է ունեցել Քառօրյա պատերազմի հերոս Արմեն Գասպարյանի հուշաղբյուրի բացման արարողությունը։
☑️Համայնքում կազմակերպվել և անց է կացվել մարզական փառատոն։
☑️Կապանի մշակույթի կենտրոնի մեծ դահլիճում տեղի են ունեցել «Իմ հոգում Կոմիտաս» և «Իմ սրտում Ազնավուր» բարեգործական համերգները։
☑️Կապանում նշվել է տարեցների միջազգային օրը։
☑️Կապանի ակումբագրադարանային միավորման գրադարաններում նշվել է գրադարանավարի օրը։
☑️Կապանի Ա Խաչատրյանի անվան երաժշտական դպրոցում տեղի ունեցավ Կոմիտաս վարդապետի 150-ամյակին նվիրված զրույց-համերգ՝ դիրիժոր, երաժշտագետ, Երևանի Կոմիտասի անվան կոնսերվատորիայի պրոֆեսոր Դանիել Երաժիշտի հետ։
☑️Համայնքում ազգային և ժողովրդական պարային անսամբլ ունենալու նպատակով՝ համայնքապետարանի նախաձեռնությամբ հիմնվել է «Սյունիք» ժողովրդական անսամբլը/ուսուցումը անվճար/, որի գեղարվեստական ղեկավար է հրավիրվել պարային ոլորտում մեծ ճանաչում և փորձ ունեցող, Հայաստանի ազգային պարարվեստի միության անդամ Գարուշ Դավթյանը:
☑️Սյունիքի մարզպետարանի նախաձեռնությամբ իրականացվող «Սյունիքյան մշակութային շրջագայություն» միջոցառումների շրջանակում Սյունիքի մարզի Սիսիան քաղաքում Կապանը ներկայացրել է իր մշակույթը։

✔️Ֆինանսական ոլորտ

☑️Կապան համայնքի 2019 թվականի բյուջեի երրորդ եռամսյակի ընդամենը փաստացի եկամուտները կազմել են 1,560,288.3 հազար դրամ, եռամսյակի (ճշտված) պլանի 1,792,598.2 հազար դրամի նկատմամբ, կամ կատարողականը կազմել է 87,0%, ինչը 26,0%-ով կամ 321,877.1 հազար դրամով գերազանցում է 2018 թվականի նույն ժամանակաշրջանի հավաքագրման մակարդակը։

Ընդ որում՝ Կապան համայնքի 2019 թվականի բյուջեի վարչական մասով հաշվետու ժամանակաշրջանում նախատեսված (ճշտված) 1,530,815.9 հազար դրամ ընդամենը եկամուտների դիմաց փաստացի մուտքագրվել է 1,493,180.1 հազար դրամ՝ ապահովելով 97.5% կատարողական, նախորդ տարվա նույն ցուցանիշը կազմել է 1,196,403.8 հազար դրամ։

☑️Կապան համայնքի 2019 թվականի ճշտված բյուջեով եռամսյակի սեփական եկամուտները պլանավորվել են 517,1638․6 հազար դրամ, որի դիմաց փաստացի կատարողականը կազմել է 479,510․1 հազար դրամ կամ 92․6%: Սեփական եկամուտների փաստացի հավաքագրման ցուցանիշը ավելի է 2018 թվականի համապատսխան ցուցանիշից 147,3569․9 հազար դրամով կամ 44․5%-ով։

✔️Ներքին աուդիտ

☑️Համայնքի ղեկավարի կարգադրություններով ներքին աուդիտ է անցկացվել համայնքային ենթակայության մի շարք հիմնարկներում։

✔️Եկամուտների գանձման,առևտրի և սպասարկման ոլորտ

☑️2018 թվականի հոկտեմբերի 27-ից մինչև 2019 թվականի հոկտեմերի 25-ի դրությամբ՝ հավաքագրվել է 457 մլն դրամ կամ 84%:

✔️Քարտուղարություն

☑️Հաշվետու ժամանակահատվածում քարտուղարության բաժինը ստացել է 1886 հանձնարարական։ Քաղաքացիներից ստացվել է՝ ֆինանսական օգնության խնդրանքով 528 դիմում, որից բավարարվել է 463-ը/մոտ 88%/ բավարարվածների թվում ներառվել է 98 դիմում, որոնց դեպքում համայնքապետարանի միջնորդությամբ դիմումատուներին տրամադրվել է սննդի օգնություն։
☑️Տրանսպորտ տրամադրելու համար 93 դիմում, որից բավարարվել է 88-ը/մոտ 95%/:
☑️Դագաղ տրամադրելու խնդրանքով 34 դիմում, որոնք բոլորը բավարարվել են։
☑️ՆՈՒՀ-եր և արտադպրոցական ուսումնական հաստատություն հաճախող սաների վարձավճարի զեղչի համար ստացվել է 95 դիմում, որոնք բոլորը բավարարվել են /59-ը 50%-ով, 36-ը 100%-ով/
☑️Համայնքի ղեկավարը կատարել է քաղաքացիների 8 ընդունելություն, որոնց մասնակցել է 834 հոգի, բավարարվել են մոտ 600-ը։
☑️Տեղի է ունեցել ավագանու 7 նիստ, կայացվել 97 որոշում։
☑️Քաղաքաշինության բաժինը ստացել է 2090 հանձնարարական։ ☑️Քաղաքացիներից ստացվել է շուրջ 1460 դիմում, որից բավարարվել է 895-ը /շուրջ 61,3%-ը/, մերժվել է 43-ը, մնացածը գտնվում են ընթացքի մեջ։
☑️Պետական մարմիններից և գերատեսչություններից ստացվել է շուրջ 380 հարցում և գրություն, դրանց տրվել է պատշաճ ընթացք։
☑️Եկամուտների գանձման, առևտրի և սպասարկման բաժինը ստացել է 563 հանձնարարական։ Քաղաքացիներից ստացվել է 364 դիմում, որից շուրջ 300-ը տարատեսակ թույլտվությունների տրամադրման և դադարեցման մասին/բոլորը բավարարվել են/, մնացածը՝ այլ բնույթի/դարձյալ բավարարվել են/
☑️Պետական մարմիններից և գերատեսչություններից ստացվել է 143 հարցում և գրություն, դրանց տրվել է պատշաճ ընթացք։
69 քաղաքացու նկատմամբ կիրառվել է վարչական պատասխանատվության միջոց՝ տուգանք, որի արդյունքում համայնքային բյուջե է մուտքագրվել 15մլն 725 հազար դրամ։
☑️Հաշվետու ժամանակահատվածում, օրենքով սահմանված կարգով մի շարք ֆիզիկական և իրավաբանական անձանց հետ կնքվել են առուվաճառքի՝ 86, վարձակալության՝ 23, կառուցապատման իրավունքի տամադրման՝ 24, սերվիտուտի՝ 16, արոտավայրերից օգտվելու՝ 42, խոտհարքներից օգտվելու՝ 4 և նվիրատվության 2 պայմանագրեր։

✔️Սոցիալական աշխատանք և աջակցությունների կազմակերպում (35 սոցիալապես անապահով ընտանիքի հետ աշխատանք)

☑️30 սոցիալապես անապահով ընտանիքի տրամադրվել է աջակցություն՝ հագուստի տեսքով։
☑️2 բազմազավակ սոցիալապես անապահով ընտանիքի տրամադրվել է մանկական մահճակալ իր բոլոր հարմարանքներով։
☑️ԱՄՆ-ից տրամադրվել է աջակցություն գյուղական վարչական տարածքների 5 և ավելի երեխաներ ունեցող սոցիալապես անապահով ընտանիքներին 20,000-ական դրամ և հագուստ։
☑️Վերանորոգվել է Սզնակ գյուղական բնակավայրի սոցիալապես անապահով ընտանիքի տան տանիքը և տրամադրվել է կենցաղային իրեր։
☑️Աճանան գյուղում վերականգնվել է միայնակ տարեց կնոջ տունը։
☑️Վերականգնվել է Աճանան բնակավայրի անապահով ընտանիքի 5 անդամի անձնական փաստաթղթերը և տրամադրվել է 25,000-ական դրամ աջակցություն։
☑️Կազմակերպել է 2 ընտանիքի բուժզննում և հետազոտություն քաղաք Երևանում, տրամադրվել է 40,000-ական դրամ և տեղավորել աշխատանքի։
☑️Գեղի գյուղի բնակչին տրվել է աջակցություն՝ սննդի փաթեթ և դիզվառելիք։
☑️Ամերիկայի Հայ Ավետարանչական ընկերակցության Կապանի մասնաճյուղի կողմից կազմակերպվել է բակային ճամբար, որին մասնակցել է անապահով ընտանիքի 25 երեխա և ստացել հագուստ ու կոշիկներ։
☑️Հայ օգնության ֆոնդի կազմակերպած «Արագած» ճամբարում ամառային հանգիստն են անց կացրել վարչական տարածներից ընտրված 20 անապով ընտանիքի երեխա, ստացել նվերներ և գրենական պարագաներ։
☑️ՀՀ Կոտայքի մարզի «Լուսաբաց» մանկական առողջարարական ճամբարում ամառային հանգիստը 3 հերթափոխով անց են կացրել համայնքի վարչական տարածքներից ընտրված 76 սոցիալապես անապով ընտանիքի երեխաներ։
☑️Վորլդ Վիժն կազմակերպության Հանքավանի «Զեփյուռ» մանկական առողջարանային ճամբարում հանգստացել է Կապան համայնքի 6 անապահով ընտանիքի երեխա։