Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ և 42)-րդ կետերով, «Հայաստանի Հանրապետության վարչատարածքային բաժանման մասին» օրենքի 5-րդ հոդվածի և նույն օրենքի թիվ 2 հավելվածով հաստատված ցանկի 2.8 բաժնի դրույթներով, ՀՀ կառավարության 2015 թվականի մայիսի 21-ի «Հայաստանի Հանրապետության Սյունիքի մարզի Արծվանիկի, Սևաքարի, Աճանանի, Չափնիի և Սյունիքի գյուղական համայնքների վարչական սահմաններում՝ որոշ տարածքներում բացառիկ՝ գերակա հանրային շահ ճանաչելու մասին» թիվ 791-Ն որոշմամբ, հիմք ընդունելով 2015 թվականի հունիսի 24-ին Հայաստանի Հանրապետության, ՀՀ Սյունիքի մարզի Արծվանիկի, Սևաքարի, Աճանանի, Չափնիի, Սյունիքի գյուղական համայնքների և «Զանգեզուրի պղնձամոլիբդենային կոմբինատ» փակ բաժնետիրական ընկերության միջև կնքված պայմանագրի դրույթները և հաշվի առնելով համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին ո ր ո շ ու մ է. 1. ՀՀ կառավարության 2015 թվականի մայիսի 21-ի թիվ 791-Ն որոշման համաձայն ՀՀ Սյունիքի մարզի առանձին գյուղական համայնքների կողմից քաղաքացիներին և իրավաբանական անձանց սեփականության իրավունքով պատկանող հողամասերի ձեռք բերման և դրանց նկատմամբ համայնքի սեփականության իրավունքը գրանցելու գործընթացի շարունակականությունը ապահովելու նպատակով տալ համաձայնություն նշված որոշմամբ գերակա շահ ճանաչված տարածքների՝ սահմանված կարգով դեռևս չգնված հողամասերը անշարժ գույքի առուվաճառքի պայմանագրեր կնքելու միջոցով ձեռք բերելու և Կապան համայնքի անունով սեփականության իրավունքը գրանցելու համար:
2. Լիազորել համայնքի ղեկավարին կնքելու գերակա հանրային շահ ճանաչված անշարժ գույքի առուվաճառքի պայմանագրերը
3. Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: |